نواعم تفضلو شوفو انواع الشباب ع النت

من طرف زهرة اللوتس الخميس يونيو 05, 2008 1:04 pm

انواع الشباب على النت

--------------------------------------------------------------------------------

المرحله الاولى (اللى يدوبك لسه متعلم يدخل النت)
و طبعا العمر يتراوح من22الى ما فوق...و تلاقيه اول ما يدخل يقول هاى ممكن نتعرف انا فلان و من الحته الفلانيه،و تحسى ان فيه حنفية معلومات اتفتحت،و اى حاجه تقوليها يقولك يعنى ايه مش فاهم،و بعد كل كلمه يقولك اصل انا لسه جديد فى النت.
المرحله التانيه(اللى بيعد على النت بس مش كتير)
النوع ده كلامه انه مشغولياته كتير و مبيحبش النت و الكلام ده و بعد ما يكلم شويه يقولك ممكن نكمل فى التليفون انا اصلى مليش خلق للكتابه و الحاجات دى.
اما المرحله التالته(اللى قاعد على النت ليل و نهار)
ده مشكله تانيه و شرحه يطول و ينقسم الى:

1- المقموص

ده تلاقيه قاعد و حاطط ايده على زرار الزعل ،و اى حاجه تقوليها تبقى بتقصديه او بتقللى من شانه.
و بعد كام مره كلام ممكن يقولك ادينى نمرة تليفونك،و لما تعتذري يقولك انا هحترم رغبتك ،و هيركبلك الوش الخشب و من وقت للتانى هتاخدى بلوك فى وشك "فنصيحه اديله بلوك انتى الاول"

2-ابو دم خفيف

ده بقي شلل مركز و متعرفيش مين اللى خدعه و قاله ان دمه خفيف و كل كلامه قفيشات و ضحك و المفروض انك تكونى مجامله و تضحكى "بس منصحكيش تيجى على اعصابك".

3-المودى

ده بقه بتتنوع كل يوم،على حسب المود و هتحسي انك بتكلمى واحد عنده انفصام فى الشخصيه،النهارده رزين و عاقل بكره لاسع و بعد يومين رخمو بعدها كيوت و فرندلى "و طبعا الحكايه مش ناقصه جنان كفايه اللى الواحد فيه".

4-الحبيب

انا فيا جاذبيه و كل البنات بتعجب بيا......ايام ما كنت فى الجامعه.
كنت عامل ازمه و البنات بتتخانق عليا....المصيبه بقي ان اى جمله هتقوليها هيفهم ان انتى معجبه بيه اصلا"يعنى مش بمزاجك هتحبيه يعنى هتحبيه".

5- الناصح

صباح الصداع من اى جمله هتقوليها هتخدى نصيحه، و فيه عرض خاص قولى جملتين و خدى اربع نصائح، العرض مستمر حتى نفاذ الكميه،......
اما بقا لو على منتدى زينا كده...هتلاقيه بيقولك ليه حطيتى التوبيك ده و ليه شيلتى الصورة دى و حطيتى التانيه" انا انصحك انك تخليه يحصل اخواته اللى فاتم يعنى بلوك و دليت".

6-حريق بنات

ده بقي لو فى منتدي او ميل جروب تلاقيه مركز على كل البنات ، و مبيعملش حاجه تانيه غير كده.
الكوميدى بقي لما بيتلخبط و يعتقد ان الاسم ده انثوى و يندمج و بعدين يطلع فى الاخر واحد صاحبه.

7-اللزقه

والنوع ده عايز حزم فى التعامل معاه.لان كل كلامه انتى فين؟بتتاخرى ليه فى الرد؟انتى بتكلمى حد؟.......طيب يا عم و انت مالك بتحشر نفسك ليه....و لو قلتيله ثوانى هيقولك ليه رايحه فيين..؟متتاخربش؟؟ ..ايه ده انتى لسه مجتيش؟؟؟

8- الكداب

من اول الاسم و السن و اى معلومه اخدتيها كداب فى كداب،انصحيه و خليه يغير اسمه على الماسنجر و يسميه :مسيلمه الكداب".

9-العبيط

ده هتلاقيه على طول حاطط صورته و ذنب عليكى تتفرجى،و يشيل الصورة دى و يحط التانيه و كل شويه يفتح الكاميرا على نفسه.

10-بابا اوبح

ده ممكن يكو ن على النت من سنة 96 و اتخرج و اشتغل و اجوز و جاب عيال ولسه قاعد يتعرف على البنات،و كل ما يكلم واحده يقنعها انه مش مجوز و بيدور على عروسه،و صباح السرحان لو جربتى كل يوم تتدخلى بايميل غير التانى،هتسمعى قصة حياته كل يوم مختلفه.[/size]

من طرف **فراشة الحب** الخميس يونيو 05, 2008 7:01 pm

يسلمممممممممممممو يا احلى نعومة

فراشة الحب

من طرف **الزعيم** الخميس يونيو 05, 2008 7:30 pm

10-بابا اوبح

ده ممكن يكو ن على النت من سنة 96 و اتخرج و اشتغل و اجوز و جاب عيال ولسه قاعد يتعرف على البنات،و كل ما يكلم واحده يقنعها انه مش مجوز و بيدور على عروسه،و صباح السرحان لو جربتى كل يوم تتدخلى بايميل غير التانى،هتسمعى قصة حياته كل يوم مختلفه.[/size]

هاد الذ واحد
يسلموووو مع انك هنتي كل انوااع اشباب بس مقبووووووولة
يسلمووووووووووووووو يا اروع عضوة

من طرف زهرة اللوتس الخميس يونيو 05, 2008 8:09 pm

فراشة تسلمي حبيبتي لمرورك الروعة

من طرف زهرة اللوتس الخميس يونيو 05, 2008 8:11 pm

الزعيم كتب:
10-بابا اوبح

ده ممكن يكو ن على النت من سنة 96 و اتخرج و اشتغل و اجوز و جاب عيال ولسه قاعد يتعرف على البنات،و كل ما يكلم واحده يقنعها انه مش مجوز و بيدور على عروسه،و صباح السرحان لو جربتى كل يوم تتدخلى بايميل غير التانى،هتسمعى قصة حياته كل يوم مختلفه.[/size]
هاد الذ واحد
يسلموووو مع انك هنتي كل انوااع اشباب بس مقبووووووولة
يسلمووووووووووووووو يا اروع عضوة

مشكور لروعة مرورك زعيموووو

من طرف **نورس فلسطين** الجمعة يونيو 06, 2008 2:12 pm

ما بعرف انا وين صفيت من هالانواع
هههههههههههههههههههههههه
الله يستر من شباك البنات
لوين بدو يوصلنا
بس بصراحة
كلامك صحيح
واذا بتحبي
في كل موقف بتقمص الك شخصية من هذول
طبعا السبب
مش شطارة في
بس انو البنات ؟؟؟؟؟؟؟؟؟؟؟؟؟؟؟؟؟؟؟؟؟

من طرف زهرة اللوتس الجمعة يونيو 06, 2008 2:15 pm

نورس فلسطين كتب:ما بعرف انا وين صفيت من هالانواع
هههههههههههههههههههههههه
الله يستر من شباك البنات
لوين بدو يوصلنا
بس بصراحة
كلامك صحيح
واذا بتحبي
في كل موقف بتقمص الك شخصية من هذول
طبعا السبب
مش شطارة في
بس انو البنات ؟؟؟؟؟؟؟؟؟؟؟؟؟؟؟؟؟؟؟؟؟

ما بدي اعلق على كلامك بس الدور جايك ع كرسي النوااااااعم